Explorar los documents (15576 total)

Lo CIRDÒC - Institut occitan de cultura a per mission la salvagarda, la coneissença e la promocion de la cultura occitana.  La creacion artistica representa un vector important que contribuís directament als programas d'accion del CIRDÒC - Institut occitan de cultura en matèria de valorizacion e de desvolopament cultural, en particulièr dins lo cas de projèctes : - qu'òbran al renovèlament de las coneissenças e dels agaches portats sus las òbras e documents que constituísson las colleccions del Centre ; - que participan a la valorizacion de las colleccions e mai largament del patrimòni cultural occitan vèrs de publics novèls en França e a l'internacional ; - que constituísson d'accions de transmission de las expressions, practicas e saber-far que relèvan del patrimòni cultural immaterial occitan ; - que participan al renovèlament e a l'enriquiment de las expressions culturalas e intellectualas occitanas, de las capacitats de la lenga occitana e de sos usatgièrs (artistas, practicians, participants e publics) a exprimir una concepcion a l'encòp originala e universala del monde contemporanèu. L’acuèlh d'una residéncia artistica al CIRDÒC - Institut occitan de cultura es concebuda coma un acte de cooperacion entre l'establiment, sas equipas e los artistas e intervenents aculhits. Son organizacion deu visar a l'escambi e al partatge d'informacions, de competéncias e de coneissenças.

 

Candidats

Mandadís de la candidatura :

Mandadís del dorsièr complèt per mèl a l'adreça : info@oc-cultura.eu del 1er al 19 d'abril de 2026.

Entresenhas :  infos@oc-cultura.eu / 04.67.11.85.10.

Prene coneissença de la carta d'acuèlh de las residéncias artistica dins son integralitat : AQUI

Duchesse d’Aquitaine, reine de France puis d’Angleterre, Aliénor (1124-1204) fut liée, de même que sa famille, à l’art des troubadours et des auteurs célèbres de son temps : par exemple, Guillaume IX d’Aquitaine, son grand-père paternel, est le premier troubadour connu ; Marcabru et Cercamon chantèrent son père, Bernard de Ventadour la chanta… et son fils, Richard Cœur de Lion fut auteur lui-même.
Ce livre disque propose une immersion dans l’art des troubadours, le trobar, une découverte des poésies profanes et courtoises en occitan et de leur mélodie ; un voyage aux origines de notre littérature et de notre musique occidentale.
Pour chaque chanson, cet ouvrage offre une présentation, son texte originel occitan, sa traduction poétique ainsi qu’un enregistrement. Le lecteur-auditeur pourra également découvrir quelques chants latins et des pièces instrumentales.
Le disque réunit un collectif d’artistes reconnus autour de Margaux Zubeldia, David Zubeldia et Xavier Terrasa de l’ensemble La Flama : Pascal Caumont, Brice Duisit, Camille Bonnardot, Emmanuel Bonnardot et Christian Ploix. Chacun développe sa propre interprétation de l’art des troubadours. Les chansons sont restituées en paysage sonore.

Aqueste dosen rencontre cultural e literari ''Promocion de las femnas d'Occitània" organizat per la federacion Convergéncia Occitana e la librariá La Tuta d'Oc se tendrà lo dissabte 28 de març de 2026 de 14h30 a 22h a l'Ostal d'Occitània (11, carrièra Malcousinat, 31000 TOLOSA) 

- Omenatge a Marcela Delpastre e Marie Rouanet, 

- Escrits sus las femnas,

- Escrits e creacions de femnas, 

- Aperitiu dinatori berbèr e serada artistica.  

Amb tanben exposicion, intermèdi musical, lecturas, debats...    

INFORMACIONS PRACTICAS

Contactes : Martine BOUDET boudetm31@gmail.com 06 15 58 23 09 | Florence GINISTY : nosonversations31@gmail.com

Andrieu Lagarda vos convida al país dels contes qu’es lo país dels sòmis tanben.
Dins aquel país meravilhós, i trobaretz de reis e de reinas, de princes e de princessas, las filhas del solelh, de bruèissas, de bèstias que parlan coma nosautres, lo famós Joan de l’Ors, d’ausèls embelinaires e plan autres personatges extraordinaris…
D’una escritura clara e linda, aqueles nòu contes son venguts de classics per uèi e per deman : Las tres pomas d’irange, Las doas palometas, Còs-sens-anma, Joan de l’Ors, Lo peis de la corona, La Montanha Verda, Bufòla e lo lop blanc, Grand-Guilhèm o las pelalhas, La Bèstia dels sèt caps.
Daissatz la pluma d’Andrieu Lagarda vos menar pels caminòls del conte ont se donan la man paraula populara e escritura personala de l’autor.

Amb un lexic occitan-francés.
Enregistrament del tèxte complet sus CD per Maria-Odila Dumeaux.

La prima sembla en fin espelir e amb ela, lo CIRDOC torna suls camins al rencontre dels publics. Lo grand festenal maritim d’Escala a Sèta dobrirà lo bal lèu seguit de la Passem. L’establiment acompanharà la granda corsa navigant entre regions Novèla Aquitània e Occitània, menant pel primièr còp sus aquelas rotas, lo camion Escotar Parlar (dispositiu Cité des Langues / DGLFLF). 

Dos bels temps de rencontre amb los publics, notadament joinesa, que seràn completats per rendètz-vos culturals e artistics. CinèÒc, Cont’o’folies, exposicions… d’eveniments permetent de valorizar la creacion actuala en lenga nòstra. Una prima tanben marcada per d’unes projèctes estructurants, portats per l’establiment o amb son concors. Formacions, assisas culturalas, projèctes europèus… lo CIRDOC - Institut occitan de cultura perseguís de portar sa contribucion per tirar la rega de las practicas futuras.

Libe-revista qui prepausa articles en occitan sus las granas questions actuaus. E aquò, dens la pluralitat lingüistica e disciplinària (filosofia, arts, sciéncias sociaus, sciéncias duras…). Aqueste numèro 4 qu'ei consacrat a las sciéncias: çò que son las sciéncias e la lor evolucion pendent los sègles, com se hargan las coneishenças dens diferentas disciplinas com las matematicas o l'arqueologia, com se'us pòt manipular, e presenta quauquas pistas sus la lor plaça doman. E tostemps dens ua volontat spinozista: “Ni ríder, ni plorar, [mes] compréner”.

Tant s’empòrta... la Tramontana es un roman jos fòrma de scenari escrit per una saga televisada. Los autors ne son dos joves inscrits en master a l’universitat d’Ais de Provença, Angèla e Frederic, amics despuèi la terminala. Lor passa pel cap d’escriure un scenari que de societats de television generalista poirián crompar... mas lor creatura lor escapa lèu : la saga qu’an imaginada genre FR3 vira a la cacofonia deliranta e satirica.

L’arqueta del divenc Marqués es un roman d’intriga policièra, que la trama n’es la descobèrta supausada, dins los darrièrs meses del sègle XX, d’un manuscrit desconegut del marqués de Sade, escrit en occitan provençal. Aquò engendra controvèrsias e intrigas dins los mitans universitaris, sustot occitans, aital coma compòrtaments incontrolables de societats secretas e la preocupation dels poders politics. Aquel roman d’ambient gotic es l’escasença d’un questionament sus l’influéncia de la literatura. 

País negat es l’istòria de Simian, un jovent nascut en Aubrac e que torna de la guèrra d’Argeria. S’i mesclan los sieus remembres d’enfança, çò que visquèt pendent la guèrra e un projècte de barratge que va negar lo país.